Sólbjörg

Mikið er skrifað í sambandi við sölu áfengis á matvöruverslunum, mest ber á að fólk verði frá barnsaldri að læra að umgangast áfengi af hófsemi.  Það þarf sem sagt bara að segja fólki og unglingum að hemja sig og læra að umgangast áfengi, þá sé allur vandinn leystur, skilst að matvöruverslanir séu besti staðurinn til að læra slíkt ásamt einhverjum góðum ráðum heimanfrá. Það sama gildir þá væntanlega um sætindaát barna, unglinga sem fullorðina, það að allir verða að læra að hemja sig og umgangast í hófi, súkkulaði, lakkrís og "nammibarinna" sem eru í nánast hverri matvöruverslun.

Sala úr "nammibörum" stórverslananna nemur víst mörgum tonnum á viku, sem sést á vel á  holdafari landans sem hefur færst mikið í aukanna síðustu ár.

Við erum orðin ein feitasta þjóð evrópu. Börn og unglingar er nýr offituhópur í fyrsta skifti hér á landi. Ætli það myndi breyta einhverju að færa nammið á bak við afgreiðsluborð eins og áður var? Mótrökin væru þá að auðvitað getur fólk farið og gert sínar eigin rjómakarmellur á pönnunni heima, búið til konfekt og hnallþórur með þúsundum hitaeininga mörgu sinnum í viku, þó aðgengið verði takmarkað í verslunum. En fólk virðist samt almennt ekki stunda heimaframleiðslu á sælgæti þó það sé mögulegt og gert við stöku tækifæri eða bara alls ekki. Það væri ekki úr vegi að skoða raunveruleikann í kringum okkur og læra af því sem hefur gerst í samfélaginu í kjölfarið á auknu aðgengi og hilluplássi undir sætindi.  

Varðandi áfengi þá eigum við ekki að stunda neinar kæruleysislegar tilraunir á börnunum okkar. Framar öllu er það okkar að vernda börnin okkar og munum að öll börn eru börnin okkar. Út frá þeirri staðreynd eigum við auðveldlega að geta fundiðlausn, meðalveg sem virkar vel fyrir allflesta.

Ætla að hafa trú á þingmönnum að þeir hafni frumvarpinu um að það verði reistir "vínbarir" við hliðina á "nammibörunum". Nýjar verslanir eins og Costco verða bara að sætta sig við að mega ekki selja áfengi í matvöruverslunum sínum á Íslandi.

	Níðist á þeim sem minna mega sín
Ábyrgðarmaður færslu Tilkynna um óviðeigandi tengingu við frétt

Ef borginni finnst hún hafa gert eins mikið og hægt er fyrir útigangsmenn og engar frekari lausnir vegna fjárskorts er hér lítill ábending. Reisa á Hofsvallagötunni við hverja fuglskýlisþyrpingu lítið skjólshús fyrir einn útigangsmann þannig að útigangsfólk geti notið skjóls þar yfir nóttina. Þetta er ekki beysin lausn en mun betri en að sofa í trjábeðum. Ef borgin ber fyrir fjárskort þar sem þegar er búið  að eyða 17 milljónum í framkvæmdirnar á Hofsvallagötunni má fá skólabörn til að byggja skjólshúsin, það myndi líka passa inn í hönnunarstíl framkvæmdanna sem fyrir eru og vörubrettin sem eru undir blómakössunum. Óþarfi er að rífa fuglahúsin það má setja lamir á framhlið þeirra og inn í húsunum mætti koma fyrir samlokum og drykkjum fyrir svanga útigangsmenn þegar þeir koma til að hvílast.  

Ofangreind skyndihugmynd er í sjálfu sér ekki mikið vitlausari eða galnari en það sem þegar hefur verið reist á Hofsvallagötunni. En borgin þarf að forgangsraða rétt og muna að það er velferð allra borgarbúa sem skiftir máli ekki síst þeirra sem hvergi eiga höfði sínu að halla, það á að koma framar öllum óljósum gælu- og tilraunaverkefnum eins og yfirlýst hefur verið af hálfu borgarinnar að Hofsvallagötuverkefnið er.

	Borgin gerir eins mikið og hægt er
Ábyrgðarmaður færslu Tilkynna um óviðeigandi tengingu við frétt

Allir eru eftirvæntingarfullir eftir nýrri  ríkistjórn sérstaklega vegna heimilanna og fyrirtækjanna sem ekki þola bið varðandi skuldamálin. En bíðum hæg ríkistjórnin hafi heil 4 ár sem eru 1460 dagar til að taka á þessum málum- en gerði ekki.  Er ekki eðlilegt að sína skilning í nokkra daga meðan verið er að finna raunhæfan samstarfsgrundvöll að nýrri ríkistjórn sem ætlar sér að skila árangri fyrir heimilin. Fjölmiðlamenn s.l fjögurra eru vanastir því að fréttir frá ríkistjórninni séu í formi yfirlýsinga, leikhúsfarsa og heit um nefndir sem kryfja áttu málin eða orðaflaum útúrsnúninga.  Er von að þeim bregði við að sjá núna yfirveguð og skipulögð vinnubrögð í stað stóryrta yfirlýsinga. 

	Vill að Sigmundur fái frið
Ábyrgðarmaður færslu Tilkynna um óviðeigandi tengingu við frétt

Hallarekstur og flest allt í óefni hjá þessi ríkistjórn, það vitum við.

Áhugaverðara er  ljósmyndin sem fylgir þessari frétt og er tekin af Kristni Ingvarsyni hún er þvílíkt listaverk að unun er að horfa á.  Ljósmyndin myndi sóma sér vel t.d sem bókarkápa á riti sem fjallar um verk ríkistjórnarinnar. Því það mun örugglega verða gefin út bók fyrr eða síðar sem verður samantekt og dómur um störf ríkstjórnar Jóhönnu og Steingríms. 

	Margir milljarðar í ný útgjöld
Ábyrgðarmaður færslu Tilkynna um óviðeigandi tengingu við frétt